- საფრანგეთის საელჩო საქართველოში და ალექსანდრე დიუმას სახელობის ფრანგული კულტურის ცენტრი სიამოვნებით უერთდებიან ი. ჯავახიშვილის სახ. თბილისის სახელმწიფო უნივერსიტეტს, რათა შიდსთან ბრძოლის მსოფლიო დღესთან დაკავშირებით ერთობლივი ღონისძიება მოაწყონ 2007 წლის 30 ნოემბერს, 15 საათზე, უნივერსიტეტის ი. ჯავახიშვილის დარბაზში.

- საფრანგეთის ელჩი ერიკ ფურნიე და უნივერსიტეტის რექტორი გიორგი ხუბუა საზეიმოდ გახსნიან გამოფენას და წარმოადგენენ დოკუმენტურ ფილმს მსოფლიოში შიდსთან ბრძოლის სფეროში მიღწეული წარმატებების შესახებ.

შემდეგ გაიმართება კონფერენცია-დებატი საქართველოში ამ დაავადების გავრცელების შესახებ. მოცემულ საკითხზე ისაუბრებს სამი სპეციალისტი : ჯოვანა ბარბერისი (საქართველოში UNICEF-ის წარმომადგენელი), პაატა იმნაძე (დაავადებათა კონტროლის ეროვნული ინსტიტუტის დირექტორი) და თენგიზ ცერცვაძე, ინფექციურ დაავადებათა, შიდსისა და კლინიკური იმუნოლოგიის კვლევის ცენტრის დირექტორი, ი. ჯავახიშვილის სახ. უნივერსიტეტის მედიცინის ფაკულტეტის პროფესორი.

განხილული იქნება ორი ძირითადი საკითხი : 1) საქართველოში დაავადების აღმოჩენისა და მკურნალობის საშუალებები ; 2) დაავადებულთა დისკრიმინაციისა და სტიგმატიზაციის პრობლემა.

- ფრანგული ფარმაცევტული კომპანია SANOFI-AVENTIS უერთდება ამ ღონისძიებას და აქტიურად მონქწილეობს მასში.

1988 წლიდან მოყოლებული შიდსთან ბრძოლის მსოფლიო დღის (1-ლი დეკემბერი) ფარგლებში ხდება ინიციატივების წამოჭრა კვლევისა და დაავადებულთა მოვლის გაუმჯობესების მიზნით. საფრანგეთი განსაკუთრებით ინტენსიურად არის ჩართული შიდსთან ბრძოლის საქმეში, რაზეც 1994 წელს ასოციაცია « ერთად შიდსის წინააღმდეგ » შექმნაც მეტყველებს. 2006 წელს პრეზიდენტ ჟ. შირაკის ინიციატივით დაწესდა სპეციალური გადასახადი თვითმფრინავის ბილეთებზე, რომელიც ირიცხება ინფექციური დაავადებების წინააღმდეგ ბრძოლის ფონდში - « UNITAID» (www.unitaid.eu).